Зүрх цохилно, Би исгэрнэ
Таны сэтгэлд...
2017-05-19
Нар мандхаар л

 1495164368.

Нар мандахаар л өглөө болдог гэж
Надад хэн хэлээ юм бол?

Чамтай хамт уушийн газар суугаад 
Чин сэтгэлээ дахин нэг ярж хөндөөд 
Урсах нулимас байтугай урагдах зүрх ч үгүй болсноо
Нүдийг чинь харахдаа мэдрээд,
Баярласандаа, бас эрх чөлөөтэйгөө мэдээд,
Уйлж, урдах хундагаа олон дахин дүүргэж,
Чиний зүрхэнд чинь биш, сэтгэлд чинь ч биш
Харин тархинд чинь, бас нөгөөдхөд чинь л 
өөрийгөө үлдээхийг хүсээд,

Үүргэвчиндээ ширээнд дээрх гар утсаа
Бас, ганц үлдээсэн тамхыг чинь хамж хийгээд,
Ширхэг биш олон, бас буурал сууж эхэлсэн үсэндээ дарагдан
Ширээ дэрлэн гудайсан тэргүүнд чинь сүүлчийн удаа уруулаа хүргээд
Гартаа атгасан тал хундага дарсыг чинь 
Ганц олдох амьдралын минь сүүлчийн хор болог гээд,
Ганц хөнтөрчихөөд, хөл гуйвсан ч гэсэн сэтгэл тэгшрээд
Хүүхэд шиг хөхөрсөөр гарч одлоо би

Буурал суусан үсэнд чинь 
Үнэр ердөө үлдээгүйг 
Буцаж явахдаа л би гэнэт мэдэрсэн

Нар мандахаар л өглөө болдог гэж
Надад чи л хэлсэн байж шүү дээ


Сэтгэгдэл:


Гайхалтай
Бичсэн: Зочин (зочин) цаг: 04:53, 2017-07-04 | Холбоос | |


Сэтгэгдэл бичих



:-)
 
xaax