Зүрх цохилно, Би исгэрнэ
Таны сэтгэлд...

Сүүдэр минь надаас урт

бичсэн: ulaankaa, 2018-6-13, 08:36
 
33ef224a27bc7aba2f0de7feba6e5aff
Өглөө болоход

Нар надаас сүүдэр ургуулдаг
Үдэш болоход
Тэр буцаагаад залгин оддог
...Тэгээд Шонгийн гэрэл асдаг
Тэндээс
Миний сүүдэр зүүгддэг...

Сүүдэр минь надаас урт,
Шөнө болох нь ээ...

Энэрсэн байх

бичсэн: ulaankaa, 2018-5-15, 01:52
 26adfd503683f44e252bd3fff0753613
Яг ижилхэн ХҮН-үүд
Ялгарах гэж, 
Яг адилхан байхгүй гэж..,
Өөр хоорондоо 
Хэмхэлдэхийг хараад
Хорвоо ертөнц
Төрөхийн араас
Үхэх гэдэг мөр зохиогн
Хүний хувь тавиланг
Өөрийнхөө мөнх оршлын
Утга учиртай хамт
Энэрсэн байх 

бичсэн: ulaankaa, 2018-5-11, 03:54
57870c052628737687577ae0e1cad650 
Төгөлдөр хуурын товчлуур дээгүүр

Тогорууд алхах шиг уянгатай,......ч

Хүлээлтдээ хүлэгдсэн ч цөхрөөгүй эмэгтэйн
Гандмал алчуур газар унах шиг гунигтай,

Солонго хаанаас гарч ирээд
Хаашаа уусан арилдагийг 
Огт мэдэж чаддаггүй шиг нууцлаг,
Тэгээд тэр солонгыг аз жаргал мөн гэж мөрийцөөд
Барьж авах гэж араас нь гүйсээр
Амьдрах хоногоо мөрийнд нь
Алдаж буй мэт уйтгартай,

Ажин түжин шөнө эхэлмуй

А.Б. 180511

...
төрөл:
сэтгэгдэл: | Сэтгэгдэл бичих

Өнөөдөр би гунигтай байна

бичсэн: ulaankaa, 2018-5-11, 09:56
 0580c399b4c6af162bf16a3dbf716359
Өнөөдөр би гунигтай байна
Цэцэгс огт чимээгүйгээр дэлбээгээ дэлгэдэг шиг
Хачин их гунигтай байна
Зун хэзээ ч ирэхгүй юм шиг
Хавар мөнх үлдэх юм шиг
Чиний нуруунаас жигүүр ургаад
Бас л чимээгүй нисээд одчих юм шиг
Хачин их гунигтай байна

Тоос болон сарьнан арилах юм шиг айдас төрөөд
Давж гарч чадамгүй гунигтай байна



Бороо орохоор бүгд баярладаг мөртлөө
Бороо хэзээ зогссоныг хэн ч анзаардаггүй шиг
Бүгд намайг буцахыг тоохгүй юм шиг, 

Хачин их гунигтай байна
...

Эмээгийн туульсаар туулдаг байлаа

бичсэн: ulaankaa, 2018-5-7, 09:42
 52997d2a2de07d921553ffb748971cdb
Энгэрээ тос даатал 

Ээзгий ааруул өвөртөлдөг байлаа
Эмээгийн тулгыг галтай залгуулан
Аргал хомоол хормойлдог байлаа

Сүү үнэртсэн гараараа чулуу цуглуулан өрдөг байлаа
Чулуун гэрийнхээ хойморт "авдар тавин" ёсорхдог байлаа

Бүтэн сартай шөнийн цүү хаях наадамд
Бүсээ чанга бүслээд томчуулыг даган гүйдэг байлаа
Торсон цагаан чулуу бүрийг цүү гэж андуурахдаа 
Томчууд л яагаад зөвхөн бүхнийг чаддаг юм гэж гомдоллодог байлаа

Энгэрээ тос даатал 
Ээзгий ааруул өвөртөлдөг байлаа
Эргэхгүй одсон цаг хугацаа бүрийг
Эмээгийн туульсаар туулдаг байлаа

...

бичсэн: ulaankaa, 2018-5-7, 02:53
 Орхиод ямаар санагддаг ч орхиж чаддаггүй, гадсаар зоогоод аргамжчихдаг зүйл байдаг. Гэвч хамгийн сайн өвстэй газар аргамжааны газар хийгээд шим ихтэй байдаг тэр бол АЖИЛ юм.   

Тагтан дээгүүр

бичсэн: ulaankaa, 2018-5-2, 10:00
 Тагтан дээгүүр тагтаа гүйнэ...Өглөө бүр,
Юуны ч тухай юм бүү мэд дуугарна
Тэр дууг нь би
Үг болгон тайлж чаддаггүй , 

Тэр тагтаа шөнийг хаана өнгөрөөдгийг 
нүдээ аниад унтдаг эсэхийг нь ч,
Над шиг 
Огт танихгүй нэгний тухай
Зүүдэлдэг эсэхийг ч мэдэхгүй,

Дахин нэг шөнө иртэл 
Тагтааны тухай мартаж орхидог..,
дахин нэг өглөөг авч ирэн
тагтан дээгүүр гүйхийг нь хараад
Огт танихгүй, өнөөх зүүдний эзнээ
ор тас мартаж орхидог, 

...Тагтан дээгүүр тагтаа гүйнэ.


...

Яг одоо л

бичсэн: ulaankaa, 2018-4-27, 08:44
 Миний төлөө залбираад, тэнгэр өөд харвасан амь бүрийн төлөө

Миний төлөө залбирдаг, тэнд... хол боловч дэргэд халуунаар төөнөдөг сэтгэл бүрийн төлөө...,
Харанхуй үгүй, хилэгнэл үгүй уужим, энэрэл бүрийн төлөө
Хагдардаггүй, уусдаггүй, хийсдэггүй, худал үгүй хуурмаг үгүй хүний сайхан сэтгэлийн төлөө

Яг одоо л би залбиръя
Яг одоо л би хайрлая

...
төрөл:
сэтгэгдэл: | Сэтгэгдэл бичих

Сүүдэр дүү

бичсэн: ulaankaa, 2018-4-6, 04:31
 Багадаа би гэрийнхнийхээ хэн нэг нь хаашаа явна байнга л хамт явмаар санагддаг байлаа. Тэгээд болж л өгвөл дагана. Дагахаас ч өөр яахав дээ. Яагаад гэвэл намайг хэн ч дагадаггүй юм чинь. 

Нохойноос үхтэлээ айдаг, эмээгийнхээсээ өөр хүн дагуулаад очоод байх сонин гойд газар явдаггүй, дээр нь айлын бага хүүхэд учир над шиг нусан журыг өөр хэн л дагав гэж.
Аав ээжийг дагасан ч явах газар нь голдуу ажил. Аавын ажил нь сумын захиргаа учир бичээч эгчийн бичгийн машинаас өөр хүүхдэд сонирхолтой зүйл бага, харин ээжийн ажил сургууль учир нэгдүгээрт тэнд хүссэн хүсээгүй байнга очино, хоёрдугаарт багш на...

бичсэн: ulaankaa, 2018-4-3, 05:22
Зун нь хотыг чимж байсан ногоон навчсууд
Зун явангуут хатан
Модноосоо дүүжлэгдэн тэсч ядах тэднийг
Намрын жихүүн салхи дэрчигнүүлэн
Наргүй, жихүүн бороогоороо арчин хаяв аа 

Гэвч тэр зунаас урган
Намрыг туучин
Өвлийг сийчсээр хаварт ирэв
Одоо нэг л алхахад зун болно
төрөл:
сэтгэгдэл: | Сэтгэгдэл бичих
idiomatic-dormant