Ганцаардал :|: Зүрх цохилно, Би исгэрнэ

2014-02-08

Ганцаардал

Хачин ихээр ганцаардах энэ жишүүн орой
Цасны чихраа ор мөргүй арилаж
Хэн нэгэн, бас хэн нэгний хэлсэн үгс нь
Утасны модон дээр гуагчих
Хар хэрээний хилэнт дуу шиг чихнээ давтагдана

Ганцаардлаа мэдрэн дахин дахин ганцаардах нь
Гарцаагүй нэгэн төгсгөлийн цондон мэт
Хаврилдан харшилдах тэнгэрийн дуу аянга цахилгаан шиг
Тийм тогтворгүй сэтгэл цээжин дотроос урна

Тэсч давамгүй гэмээр энэ ганцаардал бас бачуурал
Хэн нэгэн бас хэн нэгний зохиосон
Хамгийн эмгэнэлт эцсийн зогсоол шиг

Хэзээ ч хаана байхгүй тэр эцсийн зогсоол
Хэн ч баталж хэлхйиг хүсдэггүй тэр эцсийн зогсоол
Тийм ч болохоор надаас ангид тэр бурхан нь
Там бас диваажин гэж зохиосон мэт

Ганцаардал...Ганцаардал
Ганцхан хором ч өгдөггүй
Гал усны хашгираан...

Сэтгэгдэл:

Gantsaardah gedg hetsv ch haaya gantsaaraa bh ni biye daasn baidlin neg helber gej boddg
Gehdee olon hvny hvreeleld gantsaardh medremj l hamgiin hetsvv

Бичсэн: Namuun (зочин) цаг: 14:48, 2024-11-21 | Холбоос | |

Сэтгэгдэл бичих