Дотогшоогоо хөлчүүрхэх би дуртай
Гадаа бүрхэг байхад би дуртай
Ганцхан ялаа бээрэн байхыг удаанаар харах би дуртай
Олон хүнтэй уушийн газарруу
Орь ганцаараа орж суугаад
Ганцхан зүгт галзуу мэт ширтэн
Гар гэж хөөтөл нь дотогшоогоо хөлчүүрхэх би дуртай
Нар мандаж гэгээ ихэсэх тусам
Ганцаардалдаа улам илүү шунаж
Хөшгөө таг битүүлж харанхуйлаад
Хөшсөн мэт өдөржин хөнжилдөө хэвтэх дуртай
Дурлаж явсан хайрлаж явсан залуу
Дурандах мэт өөдөөс ширтэн алхахад нь
Нүдээ зөвхөн газарруу шигтгээд
Нүүрэндээ баг зүүсэн карнавалын бүжигчин шиг
Үг гээх байтугай харах ч хүсэлгүйгээр
Өнгөрч одоод алсран одох би дуртай
Таних танихгүй олон харцанд
Тасдуулах мэт ээрэгдэхээс зугатаах би дуртай
Танил нэгэн хоолой
Гуниг гутралаа урсган намайг л гэж ирээд
Тарж одсон зовлонгоо цуглуулан тоочиж
Тарааж, дахин мартан тайвширахад нь би дуртай
Гудамжаар дүүрэн баяр бялхаж
Гуниг гутралаа үргээн хүмүүс баярлахад
Харин би гэртээ хар кофе оочин
Хамгийн дуртай навсархай номоо дахин нэг үлгэн
Хуудас бүрт нь тэмдэглэсэн хачин дуртай үгсээ
Хуруугаараа даран үгээр ханьсах дуртай
Хүмүүст уйтгартай ч, намайг галзууруулдаг дуугаа сонсоод
Хүн үгүй, худал хуурмаг үгүй ганихрам газарт очоод
Зөвхөн хатсан навчсыг, буриглах усыг, хагарсан чулууг, ганганах шувууг хараад
Зөвхөн тэндээ л үүрд үлдмээр санагддаг хүсэлдээ би дуртай
Нуурын эрэг дээр ганц модон байшинтай болох
Тэр байшингийхаа тавцан дээр өдөржин суугаад
Тамхи шоглон, бас үзэг цаас зовоон
Өдөржин магадгүй бас шөнөжин
Өөрийнхөө тухай үлгэр бичин
Нөмөрсөн ноосон бүтээлгэндээ
Нүгэл хилэнц, энэрэл илчээ шингээгээд
Үлдсэн амьдралаа үдэх
Үйлийн үргүй ганц мөрөөдөлтэйдөө...
Тэр мөрөөдлөө биелэхийг хүлээн
Тэсч яддаг ч
Өдөр хоногийн тоог ч
Өөрийнхөө насыг ч мартаж орхидогтоо би дуртай
Бичсэн: ulaankaa | цаг: 16:33 |
Үгийн эвлүүлэг
Холбоос | email -ээр явуулах | Сэтгэгдэл(0) | Сэтгэгдэл бичих
Холбоос | email -ээр явуулах | Сэтгэгдэл(0) | Сэтгэгдэл бичих
Сэтгэгдэл:
Сэтгэгдэл бичих