Тэр бүсгүйн тухай
Яагаад үргэлж гунигладгийн чинь талаар
Гуниглахаараа илүү үзэсгэлэнтэй болдогийн чинь талаар
Инээд чинь яагаад ийм хол байдгийн тухай
Инээхээрээ ихэмсэг хийгээд
Илүү нууцлаг болдогийн чинь талаар
Зүүдлээд сэрэхээрээ яагаад тийм баяртай болдгийн чинь талаар
Зүүдэлсэн тэр зүүдээ ярих
Яагаад тийм дургүйн чинь талаар
Тэнгэрээс дээр амьдрал бий гэж
Тэнд хэн нэгэн чамд зориулж
Төгөлдөр хуур эгшиглүүлдэг гэж
Үдэш бүр надад итгүүлдэгийн чинь тухай
Үүргэвчээ үүрээд тийшээ явахдаа
Намайг хэзээ ч дагуулж явдаггүйн чинь тухай
Ганцаардалтай яагаад сүүлэрдэгийн чинь тухай
Ганцаардхаараа яагаад
Аз жаргалтай болдогийн чинь талаар
Удтал толь ширтэн гөлөрдөгийн чинь тухай
Өөрийнхөө уйтгарт царайг хэзээ ч таньдаггүйн чинь тухай
Надаас хэзээ ч уйддагүйн чинь талаар
Надаас бас тэр
Тэнгэрийн хөгжимчнөөс өөр
Хэнийг ч таньдаггүйн чинь талаар...Энэ бүгдийн талаар
Хэзээ ч намайг мэдэж чадахгүй гэж
Тэр надад хэлсэн
Хэн ч түүн шигээр
Намайг хуурч
Чадахгүй гэж
Тэр бас надад хэлсэн
Бичсэн: ulaankaa | цаг: 10:20 |
Үгийн эвлүүлэг
Холбоос | email -ээр явуулах | Сэтгэгдэл(0) | Сэтгэгдэл бичих
Холбоос | email -ээр явуулах | Сэтгэгдэл(0) | Сэтгэгдэл бичих
Сэтгэгдэл:
Сэтгэгдэл бичих