Чиний зүрхийг гартаа атгаад

Чив чимээгүй бас догдлонгуй

Чичирсэн гайхшралтай хэсэг алхсан

Тэр бороон дусал

Яг чиний дурлал шиг

Тэр тэнгэрийн дуу

Яг чиний инээмсэглэл шиг

Тэр аянга цахилгаан

Яг чиний харц шиг

Тэр дараах солонго нь

Яг чиний амлалт шиг

Алгаа алгуурхан нээлээ

Атгахан зүрх чинь

Арилж одлоо хаа нэгтээ

Цээжин тушаа халуу дүүглээ

Чиний мартаж орхисон хайр

Чихэнд минь би энд байна гэж шивнэлээ

Ширүүн бороо зогссон тэгээд л

Чиний зүрхнээс бусад нь

Ерөөсөө нороогүй байсан