Эрвээхэй шиг хөөрхөд охид

Их хотын алаг гудамжаар

Эрээ цээргүй шуугилдан найгаж

Эрээн мяраан олон хаягнаас

Шар айрагны мухлагыг

Түвэггүй олон шургана

Эвдэрхий  эрх чөлөө тэднээс ханхална

Эцэг нь халуун алгандаа

Хайраа зангидаж чимээгүй хүлээнэ

Ээж  нь халуун элгэндээ

Хоолоо тэврэн сэрүүн хүлээнэ

Үр нь тэнд үсээ эргүүлж

Үл таних үхээнц эрийн өмхий үгэнд эрхлэн

Үүлэн чөлөөний нараар жаргал хийн аальгүйтнэ

Эмгэнэл тэднээс ханхална

Атга будаанаас зүүн дээр тогтсон хувь заяаг

Авралгүйгээр мэсний ирэнд тохно

Ачит эхийн эрхээ устгасан хөөрхийллөө

Амьдралын зөв алхамд тооцно

Арчаагүй үйлдэл хаалганы цаана чарлаж

Амар амгалан алуурчид эрх чөлөөтэй гунхалдана