Чимээгүй үргэлжлэх тэр нэгэн нууцад бүгшсээр... :|: Зүрх цохилно, Би исгэрнэ

2012-08-13

Чимээгүй үргэлжлэх тэр нэгэн нууцад бүгшсээр...

Үсэн дороо нуусан
Өнгө өнгийн биш.
Нэг л өнгийн бодлууд
Чиний өмнө хэзээ ч
Задарч урсаагүй шигээ
     Чимээгүй үргэлжлэх
     Тэр нэгэн нууцад бүгшсээр...

Тамиргүй бас аниргүй
Тарчигхан биш хязгааргүй
Харах нүдгүй
Зөвхөн сонсох зүрхтэй
     Алсаас... их холоос
     Сааралтан дуниартах
     Тийм сонин дүмбэгэр
     Яг л чимээгүй явсан
     Чиний он жилүүд шиг

Тэр нууцлаг тарчлаанд
Гэрэл тусгахыг ч хүсээгүй...
Тэнэмэл ерөөсөө биш.
Тэр сонин бодол
Үсний минь дор нуугдсаар

Сэтгэгдэл:

Сэтгэгдэл бичих