БичлэгУрсаад л...урсаад л баймаар
Эмэгтэй төрхөө хадгалаад
Эцсийн шийдвэрээ үлдээгээд
Эргэлдэх бөөрөнхийгөө угаагаад
Ус болон урсаад л
Урсаад л дуусмаар
Зүүдэнд ирсэн бодлыг
Өглөө санахгүйгээр
Зөрж өнгөрсөн замыг
Зүрхэн дээрээсээ элэгдтэл
Урсаад л
Урсаад л...
Шигдэж гүйцсэн
Уруулын хээг
Төрхөмд нь буцааж
Ширгэж хатсан зүрхэнд
Ундарга гарган
Урсаад л баймаар...
Харуустал чинь
Биеэ хайрлаж
Харах эрхийг
Чамаас бусдад олгочихоод
Зүгээр л зөнгөөрөө биш
Зүрхээрээ
Урсаад л ангижирмаар...
Чихэнд бүгсэн
Саарал харцыг
Чиний нүдэнд
Үлдээгээд
Сэтгэлээ
Биеэрээ үерлүүлэн
Өөрийгөө хаттал
Зөвхөн нулимсаараа
Урсмаар...Урсмаар...Урсаад л баймаар
Бичсэн: ulaankaa | цаг: 22:21 |
Үгийн эвлүүлэг
Холбоос | email -ээр явуулах | Сэтгэгдэл(1) | Сэтгэгдэл бичих
Холбоос | email -ээр явуулах | Сэтгэгдэл(1) | Сэтгэгдэл бичих
Сэтгэгдэл:
Сэтгэгдэл бичих
