Зүрх цохилно, Би исгэрнэ

Нэг өдөр би...

бичсэн: ulaankaa, 2013-10-05, 17:33

Нэг өдөр би нисэж үгүйрхийг хүснэ

Нэрнээсээ өөр юу ч үгүй хоосон ниснэ

Үсээ хайчлаад дэлхий дээр үлдээнэ

Өд шиг хийсээд сарнин алга болно биз

Харанхуй, хана, хашлагыг

Далавчаараа зүсээд гарна

Гэмтсэн ч хагаагүй ээ би уйлахгүй

Гэрэл гэгээрүү одож байгаа юм чинь

Хувь тавьлан, хүүрнэсэн хэдэн шүлгээ

Хувьхай цагаан цаасан дээр

Дүрс болгон үлдээнэ

Тайлбаргүйгээр үлдэгсэд түүнийг харж

Тайлагдаагүй нэгэн ертөнцийн өнгө үнэртэй танилцаг

Нэг өдөр би

Нисэж үгүйрхийг хүснэ

...

[Дэлгэрэнгүй...]

төрөл:Үгийн эвлүүлэг
сэтгэгдэл: | Сэтгэгдэл бичих

Өнгөрсөн үеийн өөртэйгээ болзлоо

бичсэн: ulaankaa, 2013-10-05, 16:15

Навчтай, намартай, блогтойгоо болзсон сайхан өдөр байна. ажил гэж завгүй явсаар бодол санааны минь ганц хань болсон блогоо ерөөсөө анзаархаа байчихсан байсан юм. сая блогийнхоо архивыг ухаж жаал жуул шүлэг нүүрномыноо хуудасруу илгээлээ. өнгөрсөн цаг үетйн өөртэйгээ уулзах боломж олгодог блогийнхоо архивт баярлалаа.

[Дэлгэрэнгүй...]

төрөл:Өрөөлд хүргэх өөрийн бодол
сэтгэгдэл: | Сэтгэгдэл бичих

Тэр навчис

бичсэн: ulaankaa, 2013-10-04, 10:33

Навчис хөглөрсөн гудамжаар
Ганцаараа алхаж явна
Хүйтэн оройн хөгөнд
Хөх бочихсон байсан...
...Тэр навчис

Сэрчигнэн хуйсангах салхи НАМАР
Шарлан ойчих навчис НАМАР
Сажлан алхах би НАМАР

Би намар
Тэр намар
Тэр бид хоёрын учрал
Намрын навчис

[Дэлгэрэнгүй...]

төрөл:Үгийн эвлүүлэг
сэтгэгдэл: | Сэтгэгдэл бичих

Зүй үгүй

бичсэн: ulaankaa, 2013-10-01, 12:02

Хариуцлагагүй, хэнэггүй, хувиа хичээсэн, хувийн зохион байгуулалтгүй хүмүүс энэ муухай зангийнхаа ард өрөөл бусдын ажил хөдөлмөр, цаг хугацааг устгаж "алж" байгаагаа мэддэггүй юм байх даа. Бухимдал төрүүлчих юм. Хорвоо дэлхийд хэн ч цор ганцаараа амьдрах зүй хэзээ ч байхгүй болохоор амиа бодсон зан ч хол явахгүй дээ явахгүй.

[Дэлгэрэнгүй...]

төрөл:Өрөөлд хүргэх өөрийн бодол
сэтгэгдэл: | Сэтгэгдэл бичих

364

бичсэн: ulaankaa, 2013-09-30, 21:18

Гурван зуун жаран дөрвөн хоног
Зүрхний цохилтын тоогоор
Хайр урссан

Би худлаа хэлээгүй

Гурван зуун жаран дөрвөн хоног
Өөрөө өөрийнхөө зүрхийг
Хүлээлтээрээ нөхсөн

Би чамд хэлээгүй

Гурван зуун жаран дөрвөн хоног
Нэг л бодлоо
Сормуусандаа шингээсэн

Би чамд итгээгүй

Гурван зуун жаран зургаа дахь хоног
Нүдэнд минь байгаа
Чиний дүрс ширгэж алга болно

Би өөрөө хүсээгүй

Гурван зуун жаран таван хоногийн өмнө
Чиний харц миний сэтгэлд
Сүнс шиг шиг шигдчихсэн

Маргааш тэр өдөр ирнэ

Би чамайг мартаагүй

...

[Дэлгэрэнгүй...]

төрөл:Үгийн эвлүүлэг
сэтгэгдэл: | Сэтгэгдэл бичих

Уул руу явлаа

бичсэн: ulaankaa, 2013-09-29, 23:53

Явлаа. Уул руу алхлаа. Намрын шаргал навчис сүүлчийн амьсгалаа хураахаас нь өмнө дунд нь орж харуусал зовинолын сарчигнааг нь чагная. Дэндүү богинохон насных нь сүүлчийн өдрийн зовлонг нь хуваалцая. Хүн л ганцаараа шаналдаг юм шиг амиа хичээж явахыг хүсэхгүй байна.

[Дэлгэрэнгүй...]

төрөл:Өр зүрхэндээ өргөх өөрийн бодол
сэтгэгдэл: | Сэтгэгдэл бичих

Амьдралын өдөр бүрт би хайртай

бичсэн: ulaankaa, 2013-09-02, 20:31

Амьдралын өдөр бүрт би хайртай. Яагаад гэвэл тэр надад хэнээс ч илүүгээр гуниглах, баярлах, бодох, бичих, сонсох, инээх, уйлах, хайрлаж, дурлах, мөрөөдөх, хүсэж хүлээх, хийж бүтээх, гээд л бүхий л боломжийг олгодог учраас. Өчигдөрийг хадгалж, өнөөдрийг бэлэглэж, маргаашийг нөөцөд үлдээж өгдөгт нь амьдралын өдөр бүрт би хайртай. Тэр хэнээс ч илүүгээр боломж бүрийг надад олгодрг учраас өдлөр өдөрөөр өтөлж буй насаа түүний цаг хугацаанд төлж байгаадаа би харамсдаггүй.

...

[Дэлгэрэнгүй...]

төрөл:Өрөөлд хүргэх өөрийн бодол
сэтгэгдэл: | Сэтгэгдэл бичих

мэдрэх юмсан

бичсэн: ulaankaa, 2013-08-31, 22:30

АЛТАЙН ӨНДӨР УУЛСЫНХАА ХӨХ САЛХИНД АЛГАДУУЛЖ НЭГ САЙХАН СЭРГЭХ ЮМСАН.

ААВЫНХАА АЛТАН ГАЗАРТ ХӨЛ ХҮРГЭХГҮЙ МӨРГӨЖ СЭТГЭЛЭЭ ОНГОЙТОЛ НЭГ САЙХАН УЙЛАХ ЮМСАН

[Дэлгэрэнгүй...]

төрөл:Үгийн эвлүүлэг
сэтгэгдэл: | Сэтгэгдэл бичих

Хоосон

бичсэн: ulaankaa, 2013-08-28, 12:30

Саяхан нэг найз маань хоосоны тухай ярьж байсан юм. тэр үед би төсөөлж байсан. Хоосон гэж чухам юу болохыг. Энэ бол миний хамгийн сайн мэдэх зүйл. Тэр мэдрэмж маань маш сайн хөгжсөн. Тиймээ хоосоныг мэдэрч байна. Өөрийгөө маш сайн мэдэж байгаа мөртлөө таниж чадахгүй байгаа тийм хоосон. Зүрх минь хоосон. Зүүд минь ч эзэнгүй. Хайртай дотны хүмүүс маань ч намайг сэтгэл зүрхгүй хоосон болохыг хэлж зэмлэх. Хаяа өөрийгөө хүн биш юу ч бишээр төсөөлөх тийм хоосоныг мэдэрч байна. Миний хоосоны тухай хэн ч бодож, надтай ярилцаж ойлгож чадахгүй байгаа болхоор ганцаардлыг мэдрэх тийм хоосон. Миний хүсэл...

[Дэлгэрэнгүй...]

төрөл:Өр зүрхэндээ өргөх өөрийн бодол
сэтгэгдэл: | Сэтгэгдэл бичих